Foto hamutuk entre ekipa Fokupers ho Estudantes Agríkola Moleana. Foto: Lensa Fokupers. 25/08/2025
Iha data 25 Agostu 2025 – Fokupers halo sosializasaun kona-ba Prevensaun Violénsia Baseia ba Jéneru (VBJ) ba estudante Eskola Agríkola Moleana, hamutuk na’in 32 (Feto 19 no Mane 13) iha Postu Administrativo Maliana, Munisípio Bobonaro. Sosializasaun ne’e involve mós parseiru servisu hanesan Pradet no MSSI iha sensibiliza programa sira ba prevensaun VBJ.
Objetivu husi sosializasaun ne’e, atu hasa’e estudante sira nia koñesimentu sedu hodi halo prevensaun no responde VBJ bainhira akontese. Parte importante husi sosializasaun ne’e hanesan mós meius edukativu iha responde violensia sira ne’ebe akontese.
Fokupers nia intervensaun ba programa Fokupers iha apoiu ba Uma Mahon ho servisu integradus hodi asistensia ba feto no labarik feto experiensia VBJ no advokasia hodi sensebiliza partisipantes ba prevensaun VBJ, violénsia seksual no asédiu seksual ne’ebe barak akontese iha fatin públiku eskola iha familia no iha sosiedade nia laran.
Diretor Eskola, Sr. Afonso da S. Conceição, hateten, importansia husi sosializasaun ne’e, infomasaun sira ne’ebé Fokupers lori, hanesan mós matadalan importante ba estudantes sira, atu hatene no kompriende, estudantes rasik bele halo prevensaun no sira mós bele sai autór ba mudansa ba an rasik, familia no komunidade.
“Agradese ba Fokupers, no nafatin husu Fokupers atu bele kontinua sensebiliza no habelar informasaun sira hodi hasa’e estudantes sira nia koñesimentu di-ak liu tan kona ba igualdade no VBJ.”dehan, Diretór Eskola
Iha fatin hanesan, Koordenadora Pradet Sra. Ricardina Coe, iha nia intervensaun katak, servisu ne’ebé Pradet halo hodi fó asistensia ba feto no labarik feto experiensia VBJ iha atendimentu ezaminasaun florensika, asegura evidensia husi krime sira ne’ebé vitma sira hetan ba iha prosesu judisiario. Parte seluk maka fó mós apoiu Mahon provisoriu iha asistensia ba tratamentu mediku hanfoin halo referal ba Uma-Mahon Fokupers liu husi servisu integradu hamutuk ho parseirus Rede Referal.
Atividade ne’e hetan apoiu fundus husi Misereor
