CEO Oxfam Australia, Sra. Jennifer Tierney, diálogu hamutuk ho parseiru Sosiedade Sivil. Foto:Lensa Fokupers. Data:27/8/2026
Dili, 27 Agostu 2026 | FOKUPERS, hamutuk ho organizasaun parseiru Oxfam iha Timor-Leste, ho kontente simu vizita husi CEO Oxfam Australia, Sra. Jennifer Tierney, iha enkontru no diálogu hamutuk ho parseiru sira.
Enkontru ne’e sai oportunidade importante atu hametin parceria no diálogu estratéjiku entre Oxfam Australia no nia parseiru sira, hodi fahe perspetiva kona-ba oportunidade, prioridade no dezafiu ne’ebé organizasaun sociedade sivíl lokal enfrenta iha Timor-Leste.
Diálogu ne’e mós fó espasu atu ko’alia kona-ba importância husi locally led development, ne’ebé valoriza lideransa, esperiénsia, koñesimentu no kapasidade organizasaun lokal atu define prioridade, lidera prosesu no promove mudansa sustentável iha komunidade sira.
Oxfam sei kontinua hametin parseria ho Organizasaun sosiedade Sivíl iha Timor-Leste, hodi hamutuk promove empoderamentu ekonomiku, direitus humanus, igualdade jéneru no reziliénsia komunidade hasoru impaktu mudansa klimátika.
Hamutuk ita bele hametin kapasidade no lideransa lokal, haburas oportunidade ekonomia ba feto no grupu vulnerável, no asegura katak lian no direitu komunidade sira, liuliu feto, joven no ema ho defisiénsia, konsidera iha prosesu dezenvolvimentu no tomada desizaun.
FOKUPERS hamutuk ho FONGTIL, RHTO, ADTL, ACBIT, APFTL, AFFOS, BIFANO, Jurista Advokasia, KSI, Maneo, PERMATIL, Rede ba Rai, MDI, AJAR, AFJTL, ARKTL, AHMDTL, BELUN, no UNAER, apresia tebes ba oportunidade ida-ne’e no kontinua valoriza parceria ho Oxfam iha Timor-Leste.
Mai ita kontinua hametin kolaborasaun ba Timor-Leste ida ne’ebé justu, ekuitativu, inkluzivu, no sustentável liu
