FOKUPERS nu’udar Organizasaun Naun Governamental (ONG) ida ne’ebé haknaar an ba promosaun no proteksaun direitus umanus, liuliu direitu feto no labarik. FOKUPERS fornese asisténsia ba vítima violénsia bazeia ba jeneru (VBG), hala’o sensibilizasaun iha komunidade, no halo advokasia atu promove mudansa politika ne’ebé sensível ba jeneru. Servisu hirak ne’e nu’udar parte kontribuisaun FOKUPERS nian atu apoiu Governu Timor-Leste implementa komitmentu kona-ba igualdade jeneru no proteksaun direitus umanus.
Atu asegura jestaun informasaun no seguransa dadus ne’ebé efetivu, FOKUPERS hakarak realiza instalasaun no konfigurasaun ba Database Management System (DBMS) no server atu suporta operasaun organizasaun nian.
Database Management System (DBMS) mak sistema/software ida ne’ebé uza atu rai, organiza, jere no proteje dadus iha baze de dadus. Sistema ida ne’e ajuda utilizadór sira atu asesu, atualiza, kontrola no asegura seguransa dadus ho efetivu.
Tanba ne’e, FOKUPERS konvida kompañia sira ne’ebé iha lisensa no esperiénsia relevante atu submete proposta ba:
RFQ Ref: FOKUPERS-RFQ-1805-2026: ba fornesimentu no instalasaun Database Management System (DBMS) no server.
Durasaun Servisu
Servisu sei implementa hahú iha loron 7 Junhu 2026 durante loron/fulan ne’ebé sei konkorda entre parte rua tuir nesesidade projetu.
Data no oras ikus ba submisaun:
Favór haree RFQ iha aneksu ba Ita-boot sira-nia informasaun liután.
Oras no Loron ikus ba submisaun proposta mak 5 Juñu, molok tuku 17.00 Lokraik.
Kualkér pedidu ba klarifikasaun favór kontaktu eskritamente ba diresaun sira tuir mai ne’e: fokupers2003@yahoo.com, billybelo19@gmail.com, bihunu0371@gmail.com.
Atu hatene kle’an liu bele klik link download Dokumentus :Anunsiu Vaga _Database Management System_Final
