Diretora Ezekutiva Fokupers, Sra. Domingas Afonso Amaral, asina akordu ho GASC, Foto: Media Ofisial GASC. Data:23/04/2026.
Dili, 23 Abril 2026 — FOKUPERS selebra asina akordu kooperasaun ho Gabinete Apoiu ba Sosiedade Sivíl (GASC) hodi implementa programa ida ho títulu “Sensibilizasaun komuntária no fortalesimentu rede referál ba resposta efetiva ba violénsia bazeia ba jéneru (VBJ)”.
Liuhusi programa ida-ne’e, FOKUPERS sei foka iha atividade prinsipál tolu.
- Haforsa mekanizmu referál no apoiu psikososiál hodi suporta ba servisu prevensaun no responde ba VBJ iha nivel universitária.
- Kapasitasaun Instituisional ba estrutura suku no fornesedor servisu lokál
- Organiza enkontru koordenasaun regular ho Grupu Traballu Advokasia (GTA).
Programa ida-ne’e iha objetivu importante 4 mak:
- Promove mudansa atetude no norma sosiál kontra VBJ iha komunidade no juventude.
- Hametin kapasidade esturutura suku no fornesedor servisu atu identifika, responde no refere kazu VBJ ho seguransa.
- Reforsa koordenasaun inter-sektoral no funsionamentu mekanizmu referál VBJ iha nivel lokál no nivel universitariu.
- Prevensaun no responde ba VBJ iha nivel lokal no nivel Universitaria.
Atividade ne’e sei implementa iha fulan sia, hahú husi fulan Abril to’o Dezembru 2026, kobre munisípiu Viqueque, Covalima, no Liquiça. Ho alkanse ida-ne’e, programa ne’e hein atu iha impaktu real hodi hametin sistema protesaun no hasa’e konxiénsia públiku nian kona-ba kestaun violénsia bazeia ba jéneru.
FOKUPERS hato’o apresiasaun no agradesimentu ba GASC nia konfiansa no apoiu. Parseria ida-ne’e hein atu hametin ita-nia kompromisu hamutuk atu kria ambiente ida ne’ebé seguru, inkluzivu, no livre husi violénsia ba feto no labarik-feto sira iha Timor-Leste.
