Faktu Violénsia hasoru Feto no Labarik-feto
Númeru Kazu Violénsia hasoru Feto no Labarik-feto rejista iha Fokupers 2020-2024
Istória Kampaña loron 16 ativizmu Kontra Violénsia Hasoru Feto iha Timor-Leste
Loron 16 Ativizmu Kontra Violensia Hasoru Feto (16 Days of Activism Against Gender Violence) nu’udar momentu kampaña International ne’ebé mundu tomak halo nu’udar meiu atu dudu esforsu tomak ne’ebé halo ba hapara violensia hasoru feto. Loron Ativizmu ne’e mak hahú husi loron 25 Novembru to’o 10 Dezembru. Fokupers nu’udar organizasaun sosiedade sivil ne’ebé haknaar an ba direitus umanus no kontra violensia bazeia ba jeneru sempre uza eventu ida-ne’e atu hamutuk nafatin ho entidade hotu-hotu hodi dudu esforsu hotu ba kombate violensia hasoru feto no labarik-feto.
Atividade Kampaña Loron 16 ativizmu ne’e, Ba Dahuluk hala’o husi Fokupers iha tinan 1997 ho Seminar dahuluk mak kona” Violénsia hasoru Feto mak Violasaun Kontra Direitu Umanu” ho painel diskusaun mak professora Sabina Fonseca, Pe. Juvito do Rego, Mana Maria Domingas Fernandes Alves (Micato). Hafoin Diskusaun painel remata Fokupers hamutuk ho GERTAK hala’o Marcha pásifika husi gedung BPG – Matadouru (atual INFORDEPE) to’o Rotunda “Tugu Pramuka” (atual Jardim Rosa Muki Bonaparte) – Mandarin hodi fahe ai-funan ba komunidade sivil no militar sira nu’udar símbolu ba Dame atu bolu atensaun no suporta tomak ba kontra violénsia hasoru feto durante okupasaun Militar Indonesia. Kampaña loron 16 ne’e remata iha loron 10 Dezembru hodi komemora loron Universal direitus umanus, iha ne’ebé Fokupers servisu hamutuk ho Komisaun Justica e Paz Diocese de Dili halo espozisaun pintura violasaun do direitu umanu iha Sota Lecidere.
Eventu Rua ne’e hili no hala’o atu hatudu katak Violensia hasoru feto nu’udar forma ida husi Violasaun direitu Umanu.
Tuirmai kada tinan hahu loron 25 Novembru to’o 10 Dezembru, Fokupers kontinua hamutuk ho entidade hotu uza eventu kampaña Loron 16 ativizmu kontra violensia hasoru feto ne’e atu hakilar no dehan LAE ba violénsia hasoru Feto!!
Importánsia Loron 16?
Hapara Violénsia hasoru feto no labaraik-feto presiza servisu hamutuk husi parte hotu-hotu iha nivel hotu. Durante loron 16 ne’e, ita hamutuk no kontinuidade atubele:
-
-
- Hamoris no haforsa solidariedade no ho lian makas dekara violendia hasoru feto mak violasaun kontra direitu umanu
-
-
-
- Dudu ema hotu atu halo ida-idak nia parte maske ho asaun ki’ikoan atu hapara violensia hasoru feto
- Dudu justisa ne’ebé ne’ebé hatuur feto iha sentru
- Ita hotu sei la fó sala ba feto vítima violénsia bazeia Jéneru.
-
