Fokupers kontinua Sensibiliza Prevensaun VBJ ba estudantes UNTL. Foto:Lensa Fokupers. Data; 19/08/2026
Dili, 19 Agostu 2026 — Fokupers kolaborasaun ho Centro Estudo de Genero, Diversidade no Inclucão, UNTL, kontinua halo sensibilizasaun kona-ba Prevensaun Asédiu Seksuál no Violénsia Bazeia ba Jéneru (VBJ), atu kria ambiente akadémiku ida ne’ebé seguru, inkluzivu, no livre hosi jéneru.
Atividade sensibilizasaun ne’e envolve estudante hamutuk 97 (feto 59 no mane 38), husi Fakuldade Edukasaun no Umanidade ho Fakuldade Filosofia Siensia Umana.
Liuhusi atividade sensibilizasaun ida-ne’e, estudante sira aprende atu rekoñese, prevene, no responde ho apropriadu ba violénsia bazeia ba jéneru, enkuantu komprende katak, silénsiu la’ós opsaun úniku.
🌱 Sai ajente ba mudansa signifika brani atu kuidadu.
- Brani atu ko’alia sai bainhira asiste violénsia.
- Brani atu respeita no dignidade ema seluk nian.
- Brani atu kria espasu seguru ba ema hotu.
✨ Husi espasu aprendizajen, ita harii mudansa.
✨ Husi sensibilizasaun, ita prevene violénsia.
✨ Husi ita-nia korajen koletivu, ita kria kampus ida ne’ebé seguru no inkluzivu liu.
💜 Prevene violénsia bazeia ba jéneru nu’udar ita-nia responsabilidade hamutuk. Estudante sira iha papél krusiál atu sai parte ida hosi mudansa no kria espasu akadémiku ida ne’ebé livre hosi asédiu, diskriminasaun, no violénsia.
🙏 FOKUPERS hakarak agradese ba Gabinete Apoiu Sosiedade Sivil (GASC) ba apoiu finanseiru no AJHJ-TL nia kolaborasaun hodi fasilita atividade ida ne’e.
Hamutuk, ita kria kampus ida ne’ebé seguru, iguál, inkluzivu, no livre hosi violénsia. 💜
